انٹرنیشنل ہاکی فیڈریشن (آئی ایچ ایف) نے نئی عالمی رینکنگ جاری کر دی۔ پاکستانی ٹیم 15 ویں سے 16 ویں پوزیشن پر چلی گئی ، جبکہ جاپان کی ایک درجہ ترقی ہوگئی
انٹرنیشنل ہاکی فیڈریشن کے مطابق عالمی رینکنگ میں ہالینڈ کا پہلا نمبر ہے ، بیلجیم دوسرے اور آسٹریلیا تیسرے نمبر پر ہے، اذلان شاہ کپ کے فائنل میں شکست کے بعد پاکستانی ٹیم کی ایک درجہ تنزلی ہوئی ہے، پاکستانی ٹیم نئی درجہ بندی میں 15ویں سے 16 ویں پوزیشن پر آگئی۔
اذلان شاہ ہاکی کپ جیتنے پر جاپان عالمی رینکنگ میں ایک درجہ اوپر چلا گیا ، جاپانی ٹیم عالمی رینکنگ میں 16ویں سے 15 ویں پوزیشن پر آ گئی ہے۔
واضح رہے کہ گزشتہ روزاذلان شاہ ہاکی کپ میں جاپان پاکستان کو ہرا کر پہلی مرتبہ اس ٹورنامنٹ کا چیمپیئن بنا ہے، جبکہ پاکستان ماضی میں3 مرتبہ یہ ٹورنامنٹ جیت چکا ہے۔
