پاکستان کرکٹ بورڈ (پی سی بی) کے چیئرمین محسن نقوی نے ٹی ٹوئنٹی ورلڈ کپ جیتنے پرٹیم کے ہر کھلاڑی کو ایک لاکھ ڈالر انعام دینے کا اعلان کیا ہے۔
نجی ٹیلی ویژن کی رپورٹ کے مطابق قومی کرکٹ ٹیم کے کھلاڑیوں اور آفیشلز نے چیئرمین پی سی بی محسن نقوی سے ملاقات کی۔ اس موقع پر چیئرمین پی سی بی نے کہا کہ دباؤ کے بغیر کھیلیں اور میدان میں بھرپور مقابلہ کریں،میدان میں مقابلہ ہوتا نظر آنا چاہئے۔
چیئرمین پی سی بی محسن نقوی نے اس موقع پر ٹی 20ورلڈکپ جیتنے کی صورت میں ہر کھلاڑی کیلئے ایک لاکھ ڈالر انعام کا اعلان کیا۔ انہوں نے کہا کہ پاکستان کی جیت کے سامنے اس انعام کی کچھ حیثیت نہیں۔
محسن نقوی نے کھلاڑیوں سے کہا کہ کسی کی پرواہ نہ کریں صرف پاکستان کیلئے کھیلیں،قوم کو آپ سے بہت سی توقعات ہیں،ان پر آپ نے پورا اترنا ہے۔
