اسلام آباد ( نئی تازہ رپورٹ) الیکشن کمیشن نے سیکرٹری آصف حسین کا استعفیٰ منظور کرتے ہوئے عمر حمید کو نیا سیکرٹری تعینات کردیا ہے۔
الیکشن کمیشن آف پاکستان کی طرف سے جاری نوٹی فکیشن کے مطابق گریڈ 22 کے آصف حسین کا بطور سیکرٹری الیکشن کمیشن استعفیٰ منظور کرلیا گیا ہے، گریڈ 22 کے سیکرٹریٹ گروپ کے ریٹائرڈ افسر عمر حمید کو نیا سیکرٹری ای سی پی تعینات کردیا گیا ہے۔
یاد رہے کہ عمر حمید اس سے قبل بھی سیکرٹری الیکشن کمیشن کے طور پر خدمات سرنجام دے چکے ہیں۔
الیکشن کمیشن کے نوٹی فکیشن کے مطابق عمر حمید کو دو سال کی مدت کے لیے سیکرٹری الیکشن کمیشن تعینات کیا گیا ہے، نئے سیکرٹری کی تعیناتی کنٹریکٹ بنیادوں پر کی گئی ہے۔
