پاک سوزوکی نے گاڑیوں کی قیمتوں میں 85 ہزار روپے سے 7 لاکھ روپے تک کی کمی کا اعلان کیا ہے۔
پاک سوزوکی کے مطابق مارکیٹ کے موجودہ حالات کو مدنظر رکھتے ہوئے سوزوکی سوئفٹ ڈبلیو ای ایف کی پروموشنل ریٹیل سیلز قیمتوں کا اعلان کرتے ہوئے ہمیں خوشی محسوس ہو رہی ہے۔
نوٹیفکیشن میں بتایا گیا ہے کہ یکم مئی 2024 سے سوزوکی سوئفٹ ماڈل جی ایل ایم ٹی کی قیمت 85 ہزار روپے کم کر دی گئی ہے، اس طرح جی ایل ایم ٹی کی قیمت 44 لاکھ 21 ہزار سے کم ہوکر 43 لاکھ 36 ہزار ہوگئی ہے۔
کمپنی نے سوزوکی سوئفٹ جی ایل سی وی ٹی کی قیمت میں ایک لاکھ 59 ہزار روپے کی کمی کی ہے، اس طرح جی ایل سی وی ٹی کی قیمت 47 لاکھ 19 ہزار سے کم ہوکراب 45 لاکھ 60 ہزار ہوگئی ہے۔
نوٹیفکیشن کے مطابق سوزوکی سوئفٹ جی ایل ایکس سی وی سی ٹی کی قیمت میں 7 لاکھ 10 ہزار روپے کی نمیاں کمی کی گئی ہے اور کمپنی نے جی ایل ایکس سی وی سی ٹی کی قیمت 54 لاکھ 29 ہزار سے کم کر کے 47 لاکھ 19 ہزار کر دی ہے۔
پاک سوزوکی کے مطابق گاڑیوں کی ڈیلیوری پر کسی بھی قسم کا گورنمنٹ ٹیکس اور لیویز ڈیوٹی خریداروں کو ادا کرنا ہو گی۔ جبکہ موجودہ قیمتیں کسی بھی وقت تبدیل کی جا سکتی ہیں۔
