وزیراطلاعات سندھ شرجیل انعام میمن نے اعلان کیا ہے کہ سندھ روڈ ٹرانسپورٹ کی مزید بسیں کراچی پورٹ پر پہنچ چکی ہیں ،محکمہ ٹرانسپورٹ بہت جلد نئے روٹس شروع کرے گا۔
سوشل میڈیا پر اپنے بیان میں سندھ کے سینئر وزیر اور وزیر اطلاعات شرجیل میمن نے نئی بسوں کی آمد کے حوالے بتایا کہ بتایا کہ بسوں کی نئی کھیپ کراچی پورٹ پر پہنچ چکی ہے۔
انہوں نے کہا کہ حکومت سندھ کی توجہ عوامی خدمت اور صوبے کے لوگوں کو زیادہ سے زیادہ ریلیف دینے پر ہے۔
محکمہ ٹرانسپورٹ مزید بسوں کے آنے پر بہت جلد نئے روٹس شروع کردے گا۔
یاد رہے کہ شرجیل میمن نے عید سے قبل اعلان کیا تھا کہ پیپلز پارٹی کے چیئرمین بلاول بھٹو زرداری کی ہدایت پر محکمہ ٹرانسپورٹ عید کے بعد نئے ٹرانسپورٹ منصوبے شروع کرے گا ، جن میں کراچی اور میرپور خاص شامل ہیں۔
انہوں نے کہا تھا کہ سندھ حکومت کراچی کے عوام کے لیے عید کے بعد اورنج لائن اور گرین لائن ٹی کے درمیان شٹل سروس کا بھی آغاز کرے گی،یہ سروس عوم کو مفت فراہم کی جائے گی ۔
