کراچی( نئی تازہ سپورٹس ڈیسک) اسلام آباد یونائٹیڈ نے پاکستان سپر لیگ (پی ایس ایل) 9 کے اہم ایلیمینٹرمیں پشاور زلمی کو 5 وکٹوں سے شکست دے کر فائنل میں جگہ بنا لی۔ پیر18 مارچ کو فائنل میں ملتان سلطانز سے مقابلہ ہو گا۔
کراچی کے نیشنل بینک کرکٹ ستیڈیم میں کھیلے گئے پی ایس ایل 9 کے دوسرے ایلیمنیٹر میں اسلام آباد یونائیٹد نے 186 رنز کا ہدف 19 ویں اوور میں 5 وکٹوں کے نقصان پر حاصل کر کے کامیابی حاصل کی۔ عماد وسیم اور حیدر علی کی 98 رنز کی ناقابلِ شکست شراکت نے ٹیم کی فتح میں اہم کردار ادا کیا۔
اسلام آبا یونائیٹڈ کے عماد وسیم 59 اور حیدر علی 52 رنز کے ساتھ ناٹ آؤٹرہے۔ مارٹن گپٹل نے 34، اعظم خان 22، آغا سلمان 5 رنز، ایلکس ہیلز 1 جبکہ کپتان شاداب خان بغیر کوئی رن بنائے آؤٹ ہوئے۔
پشاور زلمی کی جانب سے صائم ایوب نے 2 وکٹیں حاصل کیں جبکہ لیوک ووڈ، مہران ممتاز اور خرم شہزاد نے 1، 1 کھلاڑی کو ائوٹ کیا۔
اس سے قبل اسلام آباد یونائیٹڈ نے ٹاس جیت کر پشاور زلمی کو بیٹنگ کی دعوت دی زلمی نے 5 وکٹوں کے نقصان پر 20 اوورز میں 185 رنز بنائے۔
پشاور زلمی کی طرف سے بابر اعظم اور صائم ایوب نے اس میچ میں بھی عمدہ کھیل پیش کیا اور پہلی وکٹ کی شراکت میں 72 رنزبنا کر ٹیم کو اچھا آغاز فراہم کیا۔
آٹھویں اوور میں پشاور زلمی کا پہلا نقصان 72 رنز کے مجموعی اسکور پر بابر اعظم کی وکٹ گنوانے کی صورت میں ہوا جو 25 رنز بناکر آؤٹ ہوئے۔
صائم ایوب نے 73 رنزکی شاندار اننگز کھیلی جبکہ محمد حارث نے 40 رنز بنائے۔ ٹام کوہلر 18 اور روومان روپیل 2 رنز بنا کر پویلین لوٹے۔ عامر جمال 17 جبکہ حسین طلعت 8 رنزکے ساتھ ناٹ آؤٹ رہے۔
اسلام آباد یونائیٹڈ کی طرف سے نسیم شاہ نے 3 کھلاڑیوں کو پویلین کی راہ دکھائی، شاداب خان اور عبید میکوئے نے ایک ایک وکٹ حاصل کی۔
نیشنل اسٹیڈیم کراچی میں شیدول فائنل میں اسلام آباد یونائیٹڈ کا مقابلہ پیر18 مارچ کوملتان سلطانز سے ہو گا۔
