اسلام آباد ( نئی تازہ رپورٹ) الیکشن کمیشن آف پاکستان نے قومی وصوبائی اسمبلیوں کی23 خالی نشستوں کے لیے ضمنی انتخابات کا شیڈول جاری کردیا۔
الیکشن کمیشن کی طرف سے جاری شیڈول کے مطابق قومی اورصوبائی اسمبلیوں کی خالی نشستوں پرضمنی الیکشن کے لیے پولنگ 21اپریل 2024 کو ہوگی، امیدوار ضمنی انتخاب میں حصہ لینے کیلئے کاغذات نامزدگی 18مارچ تک جمع کراسکتے ہیں۔
ای سی پی کے مطابق ضمنی انتخاب کیلئے کاٍزات جمع کرانے والے امیدواروں کی سکروٹنی 21مارچ تک ہوگی ، کاغذات نامزدگی پر اعتراضات عائد کرنے کی آخری تاریخ 25مارچ ہے۔
الیکشن کمیشن کے شیڈول کے مطابق امیدواروں پر اعتراضات بارے فیصلے 28مارچ تک سنائے جائیں گے۔
امیدواروں کی حتمی فہرست 28مارچ کو آویزاں کی جائےگی،پارٹی تکٹ پر الیکشن میں حصہ لینے والے امیدواروں کو انتخابی نشان 30مارچ کو جاری ہوں گے۔
