لاہور ( نئی تازہ رپورٹ) مسلم لیگ (ن) اور پیپلز پارٹی نے سابق نگران وزیر اعلیٰ پنجاب محسن نقوی کو سینیٹر نامزد کرنے کا فیصلہ کیا ہے۔
نجی ٹی وی کی رپورٹ کے مطابق مسلم لیگ (ن) اور پیپلز پارٹی سمیت دیگر جماعتوں پر مشتمل حکومتی اتحاد نے سینیٹ الیکشن کے حوالے سے ایک اہم فیصلہ کیا ہے ، معلوم ہوا ہے کہ سابق نگران وزیراعلیٰ پنجاب محسن نقوی سینیٹ کی نشست کے لیے حکومتی اتحاد کے امیدوار ہوں گے۔
رپورٹ کے مطابق محسن نقوی چیئرمین پاکستان کرکٹ بورڈ (پی سی بی) کا عہدہ اپنے پاس ہی رکھیں گے۔ بعض ذرائع کی طرف سے یہ بھی دعویٰ کیاگیا ہے کہ محسن نقوی کووفاقی وزیر داخلہ بنائے جانے کا بھی امکان ہے۔
یاد رہے کہ نئی حکومت وجود میں آنے سے قبل محسن نقوی پنجاب میں نگران وزیراعلیٰ کے طور پر خدمات سرانجام دے رہے تھے جبکہ وہ اس وقت چیئرمین پی سی بی کی ذمہ داریاں نبھا رہے ہیں۔
