اسلام آباد( نئی تازہ رپورٹ) پی ٹی آئی نے شیر افضل مروت کو بیرسٹر گوہر کے خلاف بیان پرشوکاز نوٹس جاری کر دیا۔
پپاکستان تحریک انصاف کے رہنما نو منتخب رکن قومی اسمبلی شیر افضل مروت نے گزشتہ روز ایک بیان میں بیرسٹر گوہرعلی خان کونا اہل قرار دیتے ہوئے کہا تھا کہ انہیں انٹرا پارٹی الیکشن کیلئے چیئرمین شپ سے اس لیے ہٹایا گیا کیونکہ ان کی کارکردگی تسلی بخش نہیں تھی۔
شیر افضل مروت نے کہا تھا کہ بیرسٹر گوہر کو چیئرمین شپ کے عہدے سے ہٹانے کے پیچھے ان کی نااہلی اور خراب کارکردگی ہے۔
شیر افضل مروت نے کہا کہ تین ماہ کا وقت بیرسٹر گوہر کو ملا لیکن وہ کامیاب نہ ہو سکے،، پارٹی آفس چلانے کے لیے ہر وقت متحرک رہنا ہوتا ہے لیکن ایسا نہیں ہواجبکہ ورکرز کے احتجاج سمیت دیگر توقعات تھیں جس میں بیرسٹر گوہر ناکام رہے۔
تحریک انصاف کی جانب سے شیر افضل مروت کو شوکاز نوٹس جاری کر دیا گیا ہے ، نوٹس میں کہا گیا ہے کہ آپ کے بیان کی وجہ سے تناؤ کی صورتحال پیدا ہوئی۔
شوکاز نوٹس میں شیر افضل کو 2 روز میں معافی نامہ جمع کر انے کی ہدایت کی گئی ہے اورخبردار کیا گیا ہے کہ تسلی بخش جواب نہ دینے کی صورت میں ان کے خلاف پارٹی پالیسی کے مطابق ایکشن لیا جائے گا۔
