پولیس نے معروف سرائیکی گلوکار ذیشان روکھڑی کو گرفتار کر لیا ، بلا اجازت شوکرنے اور ساؤنڈ سسٹم ایکٹ کے تحت مقدمات درج کر لیے گئے۔
میڈیا رپورٹ کے مطابق پولیس نے گلوکار ذیشان روکھڑی کو بلا اجازت شوکرنے اور ساؤنڈ سسٹم ایکٹ کی خلاف ورزی پر وزیرآباد سے گرفتار کرلیا ، ان کے خلاف دو مقدمات درج کیے گئے ہیں۔
بتایا گیا ہے کہ ذیشان روکھڑی مہندی کی ایک تقریب میں شریک تھے اور گلوکاری کا مظاہرہ کر رہے تھے، تاہم ساؤنڈ سسٹم لگانے کی وجہ سے انہیں گرفتار کیا گیا۔
پولیس کے مطابق گلوکار پر بلا اجازت میوزک پروگرام کرنے اور ساؤنڈ سسٹم ایکٹ کی خلاف ورزی پر مقدمات درج کیے گئے ہیں۔، تھانہ علی پورچٹھہ میں گلوکارذیشان روکھڑی اور 7 افراد کیخلاف ایف آئی آر درج کی گئی ہے۔
میڈیا رپورٹ کے مطابق مقامی عدالت نے ذیشان روکھڑی کی ضمانت منظور کرلی ہے۔
