اسلام اباد ( نئی تازہ رپورٹ) یوٹیلیٹی اسٹورز کارپوریشن نے رمضان ریلیف پیکج 2024 کا اعلان کردیا۔ پیکج کے تحت صارفین کو 7 ارب 49 کروڑ روپے سے زائد کی سنسڈی دی جائے گی،یوٹیلیٹی اسٹورز رمضان ریلیف پیکچ 2024 کا آغاز 4 مارچ سے ہوگا جو چاند رات تک جاری رہے گا-
ترجمان یوٹیلیٹی اسٹورزکارپوریشن کے مطابق صارفین کو رمضان المبارک کے موقع پر ٹارگٹڈ سبسڈی کے ذریعے 19 بنیادی اشیا پر رعایت دی جائے گی۔
ترجمان نے بتایا کہ رمضان ریلیف پیکج کے تحت آٹا،گھی، چینی، خوردنی تیل، چاول، دالوں، کھجور، بیسن، دودھ، مشروبات اور مصالحہ جات پر رعایت فراہم کی جائے گی۔
ترجمان کے مطابق یوٹیلیٹی سٹورز پر بینظیر انکم سپورٹ پروگرام (بی آئی ایس پی) کے مستحقین کو رمضان پیکج کے تحت ٹارگٹڈ سبسڈی دی جائے گی، ٹارگٹڈ سبسڈی کے علاوہ عام صارفین کے لیے بھی رمجان پیکج کے تحت خصوصی رعایتی قیمتیں مقرر کی جائیں گی۔یوٹیلیٹی اسٹورز کارپوریشن حکام کے مطابق رمضان ریلیف پیکچ 2024 کا آغاز 4 مارچ سے ہوگا اوریہ چاند رات تک جاری رہے گا-
یاد رہے کہ گزشتہ روز اقتصادی رابطہ کمیٹی (ای سی سی) کے اجلاس میں یوٹیلیٹی اسٹورز کے لیے 7 ارب 49 کروڑ روپے سے زائد کا رمضان ریلیف پیکج منظور کیا گیا تھا۔
