اسلام آباد ( نئی تازہ رپورٹ ) صدر مملکت نے سپریم کورٹ کے جج جسٹس مظاہرعلی نقوی کا استعفیٰ منظور کر لیا۔
ایوان صدر کے مطابق صدر مملکت ڈاکٹر عارف علوی نے جسٹس سید مظاہرعلی اکبر نقوی کا استعفیٰ وزیرِ اعظم کی ایڈوائس پر منظور کیا۔
صدر مملکت نے آئین کے آرٹیکل 179 کے تحت جسٹس مظاہرعلی نقوی کا استعفیٰ منظور کیا۔
واضح رہے کہ سپریم جوڈیشل کونسل میں کارروائی کا سامنا کرنے والے جسٹس مظاہر علی اکبر نقوی نے گزشتہ روز اپنا استعفیٰ صدر کو ارسال کیا تھا ، اس سے قبل انہوں نے مس کنڈکٹ کے الزامات کو مسترد کرتے ہوئے سپریم جوڈیشل کونسل سے جاری شوکاز نوٹس کا تفصیلی جواب بھی جمع کرایا۔
جسٹس مظاہرعلی نقوی نے کہا کہ میں نے لاہور ہائی کورٹ اور سپریم کورٹ میں بطور جج فرائض سرانجام دیے ہیں جو ایک اعزاز ہے لیکن موجودہ صورتحال میں میرے لیے بطور جج سپریم کورٹ کام جاری رکھنا ممکن نہیں۔
سپریم کورٹ کے مستعفی ہونے والے جج جسٹس مظاہر نقوی کے خلاف سپریم جوڈیشل کونسل میں ریفرنس زیرِ سماعت ہے جس میں ان پرآمدن سے زائد اثاثوں سے متعلق الزامات عائد کیے گئے ہیں ۔
