راولپنڈی ( نئی تازہ رپورٹ) الیکشن ٹریبونل نے سابق وفاقی وزیر فواد چودھری کے کاغذات نامزدگی کی منظوری کا حکم نامہ واپس لے لیا جبکہ ان کی اہلیہ کو بھی انتخابات کے لیے نااہل قرار دے دیا۔
الیکشن ٹریبونل نے فواد چودھری کی اہلیہ حبا چودھری کے 3 غیر ملکی دورے اور 9 بینک اکاؤنٹس سامنے آنے کے بعد ان کے خلاف اعتراضات کو درست قرار دیتے ہوئے انہیں جہلم کے صوبائی حلقے سے انتخابات کے لیے نااہل قرار دے دیا۔
وفاقی تحقیقاتی ادارے ایف آئی اے کی طرف سے حبا چودھری کے غیر ملکی دوروں اور سٹیٹ بینک کی طرف سے بینک اکاؤنٹس کا ریکارڈ ٹریبونل کے سامنے پیش کیا گیا۔
ٹریبونل میں پیش کردہ تفصیلات کے مطابق حبا چودھری نے اپنے بینک اکاؤنٹس اور غیر ملکی دورے چھپائے تھے، حبا کے کاغذات نامزدگی مسترد کیے جانے انہیں نااہل کیے جانے کے ساتھ ہی فواد چودھری کو بھی طلب کر لیا گیا ہے۔
فواد چودھری کے این اے 60 اور 61 سے کاغذات منظوری کا حکم نامہ واپس لے لیا گیا ہے، فواد چودھری نے کاغذات میں اپنی اہلیہ کے بینک اکاؤنٹس اورغیر ملکی دورے چھپائے۔
الیکشن ٹریبونل نے فواد چودھری کو 9 جنوری کے لیے نوٹس جاری کر دیا ہے جس مین کہا گیا ہے کیوں نہ آپ کو بھی حقائق چھپانے پر نااہل قرار دیا جائے۔
