راولپنڈی( نئی تازہ رپورٹ) سیکیورٹی فورسز نے بلوچستان کے ضلع آواران میں مقابلے کے دوران 5 دہشتگردوں کو ہلاک کر دیا۔
پاک فوج کے شعبہ تعلقات عامہ کے بیان کے مطابق سیکیورٹی فورسز نے آواران کے علاقے مشکئی میں خفیہ اطلاعات کی بنیاد پرآپریشن کیا،خفیہ اطلاعات میں دہشتگردوں کی موجودگی کا علم ہوا تھا۔
آئی ایس پی آر کے بیان میں کہا گیا ہے کہ آپریشن کے دوران سیکیورٹی فورسز اور دہشتگردوں کے درمیان شدید فائرنگ کا تبادلہ ہوا اور فائرنگ کے تبادلے میں پانچ دہشتگرد ہلاک ہو گئے۔
یہ بھی پڑھیں : سوشل میڈیا پر مایوسی پھیلائی جاتی ہے،قوم سے مل کر ہر مافیا کی سرکوبی کریں گے، آرمی چیف
بیان کے مطابق دہشتگردوں کے ٹھکانے سے اسلحہ،گولہ بارود اور دھماکہ خیز مواد برآمد ہوا، سیکیورٹی فورسز نےٹھکانے کو تباہ کر دیا ۔
آئی ایس پی آر کے بیان کے مطابق علاقے کو دیگر دہشتگردوں سے پاک کرنے کیلئے کلیئرنس آپریشن کیا جارہا ہے ۔
