اسلام آباد ( نئی تازہ رپورٹ )الیکشن کمیشن نے عام انتخابات کے لیے کاغذات نامزدگی جمع کرانے کی مدت میں 2 روز کی توسیع کردی۔امیدوار 24 دسمبر تک کاغذات جمع کرا سکیں گے ۔
واضح رہے کہ سے 8 فروری 2024 کو ہونے والے انتخابات کے لیے جمعہ 22 دسمبر کاغذات نامزدگی جمع کرانے کا آخری روز تھا ۔ سیاسی جماعتوں مسلم لیگ ن ،ایم کیو ایم، جے یو آئی (ف) اور بلوچستان عوامی پارٹی کی جانب سے کاغذات نامزدگی جمع کرانے کی تاریخ میں توسیع کی درخواست کی گئی تھی۔ جس پرالیکشن کمیشن نے کاغذات نامزدگی جمع کرانے کی تاریخ میں دو روز کی توسیع کر دی ہے۔
پہلے جاری کیے گئے الیکشن شیڈول کے مطابق امیدواروں کو کاغذات نامزدگی جمع کرانے کے لیے تین دن کا وقت دیا گیا تھا جس کا آج آخری روز تھا ۔
لیکشن کمیشن کے مطابق امیدواراب کاغذات نامزدگی 24 دسمبر تک جمع کرا سکتے ہیں، مخصوص نشستوں کی ترجیحی فہرست بھی سیاسی جماعتیں 24 دسمبر تک دے سکتی ہیں،تمام کاغذات نامزدگی کی جانچ پڑتال 25 سے 30 دسمبر کے دوران کی جائے گی۔
الیکشن کے لیے پولنگ کی تاریخ میں کوئی تبدیلی نہیں کی گئی اور پولنگ پہلے سے جاری شیڈول کے مطابق 8 فروری 2024 کو ہی ہوگی۔
