اسلام آباد ( نئی تازہ رپورٹ) پاکستان میں منکی پاکس سے موت کا پہلا کیس سامنے آگیا ہے۔
محکمہ صحت کے حکام کے مطابق اسلام آباد کے پمز ہسپتال میںزیر علاج منکی پاکس اور ایچ آئی وی سے متاثرہ 40 سالہ مریض انتقال کرگیا۔
حکام کے مطابق جاں بحق ہونے والا مریض سعودی عرب سے پاکستان واپس آیا تھا۔ عالمی ادارہ صحت ( ڈبلیو ایچ او) نے منکی پاکس کے علاج کے لیے تجرباتی دوا بھی مہیا کی تھی۔
جسمانی خارش کی علامات والی بیماری ایم پاکس جسے ماضی میں منکی پاکس کہا جاتا تھا ابتدائی طور پر بندروں میں پائی جانی والی بیماری تھی جو پانچ دہائیاں قبل افریقہ کے مغربی حصے میں پھیلی اور کئی دہائیوں تک افریقہ میں ہی پھیلتی رہی۔
طبی ماہرین کے مطابق کئی دہائیوں سے ایم پاکس کے کیسز کسی دوسرے خطے میں سامنے نہیں آئے تھے۔
ماہرین کے مطابق منکی پاکس بہت کم پایا جانے والا وبائی وائرس ہے، یہ انفیکشن انسانوں میں پائے جانےوالے چیچک کے وائرس سے ملتا ہے، اس کی علامات میں بخار ، سر درد اور خارش شامل ہیں۔
واضح رہے کہ یہ مرض کورونا یا اس جیسی دیگر وباؤں کی طرح تیزی سے نہیں پھیلتا، منکی پاکس صرف قریبی تعلقات اور خاص طور پر جسمانی تعلقات سے ایک سے دوسرے شخص میں منتقل ہوتا ہے۔
