اسلام آباد( نئی تازہ مانیٹرنگ) حکومت نے آئندہ 15 روز کے لیے پٹرول کی قیمت برقرار رکھنے جبکہ ڈیزل اور مٹی کے تیل کی قیمت کم کرنے کا اعلان کیا ہے۔
وزارت خزانہ کے نوٹیفکیشن کے پیٹرول کی قیمت میں کسی قسم کی کمی نہیں کی گئی تاہم ڈیزل کی قیمت میں 7 روپے کمی کی گئی ہے۔
نوٹیفکیشن میں کہا گیا ہے کہ حکومت پاکستان نے آئل اینڈ گیس ریگیولیٹری اتھارٹی (اوگرا) کی تجویز پر پیٹرولیم مصنوعات کی قیمتوں میں ردوبدل کا فیصلہ کیا جس کا اطلاق یکم دسمبر 2023 سے ہو گا۔
یہ بھی پڑھیں: حکومت کا پیٹرولیم مصنوعات کی قیمتوں میں 2.04 روپے سے 9 روپے تک کمی اعلان
نوٹیفکیشن کے مطابق پیٹرول کی قیمت بدستور 281.34 روپے فی لیٹر رہے گی۔ہائی اسپیڈ ڈیزل کی قیمت میں 7 روپے فی لیٹر کی کمی کی گئی ہے جس کے بعد فی لیٹر قیمت 289.71 روپے ہو گئی ہے۔مٹی کا تیل 3.82 روپے فی لیٹر سستا ہونے کے بعد 201.16 روپے فی لیٹر دستیاب ہو گا۔
نوٹیفکیشن کے مطابق لائٹ ڈیزل آئل 4.52 روپے فی لیٹر کمی کے بعد 175.93 روپے فی لیٹر ملے گا۔پیٹرولیم مصنوعات کی نئی قیمتوں کا اطلاق یکم دسمبر سے 15 روز کے لیے ہوگا۔
