اسلام آباد ( نئی تازہ رپورٹ) حکومت نے پیٹرولیم مصنوعات کی قیمتوں میں 2.04 روپے سے 9 روپے تک کمی اعلان کردیا، ۔
خزانہ ڈویژن سے جاری بیان میں بتایا گیا کہ حکومت نے آئل اینڈ گیس ریگیولیٹری اتھارٹی (اوگرا) کی تجویزپر پیٹرولیم مصنوعات کی قیمتوں میں 16 نومبر 2023 سے ردوبدل کا فیصلہ کیا ہے۔
نوٹیفکیشن کے مطابق پیٹرول کی قیمت 2 روپے 4 پیسے فی لیٹر کمی کی گئی ہے، جس کے بعد پیٹرول کی نئی قیمت 281 روپے 34 پیسے فی لیٹر ہوگئی ہے۔
اسی طرح ہائی اسپیڈ ڈیزل کی قیمت میں 6 روپے 47 پیسے فی لیٹر کمی کی گئی ہے اور نئی قیمت 296 روپے 71 پیسے فی لیٹرہوگئی ہے۔
نوٹیفکیشن کے مطابق مٹی کے تیل فی لیٹر قیمت میں 6 روپے 5 پیسے کمی کی گئی اور فی لیٹر قیمت کم ہو کر 204 روپے 98 پیسے ہوگئی ہے۔
لائٹ ڈیزل آئل کی قیمت میں 9 روپے کمی سے فی لیٹر نئی قیمت 180 روپے 45 پیسے ہو گئی ہے۔
نوٹیفکیشن میں بتایا گیا ہے کہ نئی قیمتوں کا اطلاق جمعرات 16 نومبر 2023 سے ہوگا۔
