اسلام آباد( نئی تازہ رپورٹ) احتساب عدالت اسلام آباد نے مسلم لیگ ن کے قائد نواز شریف کی ضبط شدہ جائیداد اور اثاثے واپس کرنے کا حکم دے دیا۔
میڈیا رپورٹ کے مطابق نیب کورٹ کی جانب سے توشہ خانہ ریفرنس میں جمعہ کو اہم پیش رفت ہوئی ہے، احتساب عدالت کے جج محمد بشیر نے سابق وزیر اعظم نواز شریف کی جائیداد ضبطگی کے احکامات واپس لے لیے ۔
نواز شریف کی لاہور میں 1650 کنال سے زائد زرعی اراضی، مرسیڈیز، لینڈ کروزر اور دیگر گاڑیاں ضبط کی گئی تھیں۔
عدالت کے فیصلے میں نواز شریف کی جائیدادیں، گاڑیاں، بینک اکاؤنٹس واپس کرنے کا حکم جاری کیا گیا۔ یاد رہے کہ احتساب عدالت کی جانب سے نواز شریف کو اشتہاری قرار دیئے جانے کے بعد جائیداد ضبطگی کے احکامات اکتوبر 2020ء میں جاری کیے گئے تھے۔
