کابل ( نئی تازہ مانیٹرنگ)افغانستان کے صوبے ہرات میں شدید زلزلے سے مرنے والوں کی تعداد ایک ہزار سےتجاوز کر گئی۔
حکومتی ذرائع کے مطابق صوبے ہرات میں آنے والے زلزلے کی شدت 6.3 ریکارڈ کی گئی جس کے سبب انفرا اسٹرکچر کو شدید نقصان پہنچا جبکہ بادغیس اور فرح صوبے میں آفٹر شاکس بھی محسوس کیے گئے۔
افغان حکام نے بتایا کہ زلزلے کی وجہ سے ایک ہزار افراد جان سے ہاتھ دھو بیٹھے ہیں۔جبکہ بہت بری تعداد میں لوگ زخمی ہیں۔
ترجمان ڈپٹی گورنر کے مطابق زلزلے کے نتیجے میں 600 سے زائد گھر تباہ اور 4200 افراد متاثر ہوئے جبکہ ملبے سے مزید لوگوں کو نکالنے کیلئے سرچ اینڈ ریسکیو آپریشن جاری ہے۔
ترجمان ڈپٹی گورنر نے بتایا کہ زلزلے میں ہونے والی اموات بہت زیادہ ہیں اور ہرات کے خوفزدہ شہری سڑکوں پر موجود ہیں۔
افغانستان ڈیزاسٹر مینجمنٹ اتھارٹی کے ترجمان ملا جانان سائق نے خشہ طاہر کیا ہے کہ ملبے تلے مزید افراد دبے ہوسکتے ہیں ۔
امریکی زلزلہ پیما مرکز نے زلزلے کا مرکز ہرات سے 40 کلو میٹر شمال مغرب کی طرف بتایا ہے جبکہ زلزلے کے بعد سے 8 طاقتور آفٹرشاکس محسوس کیے جا چکے ہیں ۔
