حیدرآباد دکن ( نئی تازہ رپورٹ) پاکستان نے کرکٹ ورلڈ کپ میں فاتحانہ آغاز کرتے ہوئے نیدرلینڈز کو 81 رنز سے شکست دے دی۔
جمعہ کوراجیو گاندھی اسٹیڈیم حیدرآباد بھارت میں کھیلے گئے میچ میں پاکستانی کرکٹ ٹیم نے نیدرلینڈز کی دعوت پر پہلے بیٹنگ کرتے ہوئے 49 اوورز میں 286 رنز بنا ئے اور اور تمام کھلاڑی آئوٹ ہو گئے۔
پاکستانی بیٹنگ ابتدا میں مشکلات کا شکار رہی، اوپنر فخر زمان صرف 12 کے انفرادی اسکور پر پویلین لوٹ گئے۔ کپتان بابراعظم 15 گیندوں پر صرف 5 رنز بناکرآئوٹ ہوگئے، امام الحق 15 رنز بناکر آؤٹ ہوئے۔
مڈل آرڈر بیٹر سعود شکیل نے عمدہ اور تیز رفتار بلےبازی کا مظاہرہ کرتے ہوئے قومی ٹیم کو میچ میں واپس لانے میں اہم کردار ادا کیا اور وکٹ کیپر محمد رضوان کے ساتھ 124 رنز کی پارٹنرشپ قائم کی۔ سعود شکیل اور محمد رضوان 68، 68 رنز بناکر آؤٹ ہوئے جبکہ افتخار احمد صرف 9 رنز بنا سکے۔
شاداب خان اور محمد نواز نے 62 رنز کی پارٹنرشپ قائم کی، شاداب 32، نواز 39، حارث رؤف 16 رنز بناکر جبکہ حسن علی صفر پر پویلین لوٹے۔
نیدرلینڈز کی جانب باس ڈی لیڈز نے 4، کولن ایکرمین نے 2 جبکہ وین بیک، پال وین میکرین اور آرین دت نے ایک ایک وکٹ حاصل کی۔
287 رنز کئ ہدف کے تعاقب میں نیدرلینڈز کی ٹیم 41 اوورز میں 205 رنز بنا کر آؤٹ ہوگئی۔
نیدرلینڈز کی جانب سے بیس ڈی لیڈے 67 اور وکرم جیت سنگھ 52 رنز بنا کر نمایاں رہے۔ لوگن وین بِیک نے 28 رنز بنا ئے اور ناٹ آؤٹ رہے۔
پاکستان کی جانب سے حارث رؤف نے 3 کھلاڑیوں کو آئوت لیا، حسن علی نے 2 جبکہ شاہین شاہ آفریدی، محمد نواز، شاداب خان اور افتخار احمد نے ایک،ایک وکٹ حاصل کی۔
سعود شکیل کو شاندار بلےبازی پر پلیئر آف دا میچ قرار دیا گیا۔
