اسلام آباد( نئی تازہ رپورٹ) وائس ایڈمرل نوید اشرف کوپاکستان نیوی کا نیا سربراہ مقرر کردیا گیا۔
پاک بحریہ کے ترجمان کے مطابق وائس ایڈمرل نوید اشرف کو 7 اکتوبر 2023 کو ایڈمرل کے عہدے پر ترقی دی جائے گی جبکہ کمان کی تبدیلی کی تقریب بھی 7 اکتوبر 2023 کو ہوگی۔
ترجمان کے مطابق وائس ایڈمرل نوید اشرف نے 1989 میں پاک بحریہ کی آپریشنز برانچ میں کمیشن حاصل کیا، انہیں اہم کمانڈ اور اسٹاف عہدوں پر کام کرنے کا وسیع تجربہ حاصل ہے۔
وائس ایڈمرل نوید اشرف نیول ہیدکوارٹرز میں چیف آف اسٹاف کی ذمہ داریاں سرانجام دے رہے ہیں۔ وائس ایڈمرل نوید اشرف کو ہلالِ امتیا ز(ملٹری) اورتمغہ بسالت سے نوازا جا چکا ہے۔
