مستونگ ( نئی تازہ رپورٹ) بلوچستان کے ضلع مستونگ میں میلاد النبیؐ کے جلوس میں خودکش دھماکے سے 52 افراد جاں بحق اور متعدد زخمی ہوگئے
عینی شاہدین کے مطابق دھماکا جشن عید میلاد النبی صلی اللہ علیہ وسلم کے سلسلے میں نکالے جانے والے جلوس کے لیے جمع افراد کے قریب ہوا، پولیس حکام نے ابتدائی طور پر دھماکے کے نتیجے میں 13 افراد جاں بحق ہونے کا بتایا تھا، تا ہم بعد میں یہ تعداد 50 سے تجاوز کر گئی۔
اسسٹنٹ کمشنر مستونگ عطا اللہ نے میڈیا کو بتایا کہ دھماکا مدینہ مسجد کے قریب ہوا جہاں عید میلاد کی مناسبت سے لوگ جمع ہورہے تھے، مدینہ مسجد سے جمع ہونے کے بعد لوگوں نے جلوس میں شریک ہونا تھا۔
بلوچستان کے نگران وزیر اطلاعات جان اچکزئی نے کہا ہے کہ امدادی ٹیمیں فوری طور پر مستونگ روانہ کر دی گئی ہیں۔
جبکہ شدید زخمیوں کو کوئٹہ منتقل کیا جا رہا ہے اور تمام ہسپتالوں میں ایمرجنسی نافذ کر دی گئی ہے۔
