راولپنڈی ( نئی تازہ رپورٹ) کالعدم تحریک طالبان پاکستان کے لیے بھتہ لینے والے متحرک ارکان کو گرفتار کر لیا گیا۔ ملزمان نے تصدیق کی کہ کالعدم ٹی ٹی پی کا کمانڈرز افغانستان میں موجود رہ کر ہدایات دیتا تھا۔
سیکیورٹی ذرائع کے مطابق گرفتار ارکان نے ٹی ٹی پی کا بھتہ لینے کے طریقہ کار کے حوالے سے اہم انکشافات کیے، گرفتار ارکان بھتہ خوری میں کالعدم ٹی ٹی پی کو معاونت فراہم کرتے تھے۔
ذرائع کے مطابق گرفتار ملزمان نے کالعدم ٹی ٹی پی کے کمانڈرز کی افغانستان میں موجودگی کی تصدیق کی ۔
ملزمان نے بتایا کہ افغانستان میں موجود کالعدم ٹی ٹی پی کمانڈر عبدالرازق انہیں وٹس ایپ کے ذریعے ہدایات دیتا تھا، کالعدم ٹی ٹی پی کمانڈر لوگوں کے گھروں اور دکانوں کی ویڈیوز منگواتا تھا اور ان کو بھتے کے لیے افغانستان سے کال کرتا تھا۔
ملزم نے بتایا کہ بھتہ نہ ملنے یا تاخیر کی صورت میں عبدالرازق لوگوں کو جان سے مارنے یا اغواء کی دھمکیاں دیتا تھا۔
