اسلام آباد ( نئی تازہ رپورٹ) الیکشن کمیشن آف پاکستان نے عام انتخابات کرانے کا اعلان کر دیا۔
الیکشن کمیشن سے جاری بیان کے مطابق 27 ستمبر کو حلقہ بندیوں کی ابتدائی فہرست شائع کر دی جائے گی۔
بیان میں کہا گیا ہے کہ حلقہ بندیوں پر اعتراضات اور تجاویزکی سماعت کے بعد 30 نومبرکوحلقہ بندیوں کی حتمی فہرست جاری کر دی جائے گی۔
ای سی پی کے جاری بیان میں کہا گیا ہے کہ حتمی فہرست کے 54 دن بعد جنوری کے آخری ہفتے میں عام انتخابات کا انعقاد ہو گا، حتمی فہرست کی اشاعت کے بعد 54 دن کا الیکشن پروگرام دیا جائےگا۔
واضح رہے کہ سیاسی جماعتوں کی جانب سے حالیہ ہفتوں میں نگران حکومت اور الیکشن کمیشن سے ملک میں جلد صاف شفاف عام انتخابات کروانے کا مطالبہ کیا جاتا رہا ہے۔
نگران حکومت نے واضح کیا تھا کہ الیکشن کرانا الیکشن کمیشن کا کام ہے اور ای سی پی ہی الیکشن کی تاریخ دے گا۔
