لاہور( نئی تازہ رپورٹ) پولیس نےسانحہ نو مئی کے مقدمات میں چیئرمین پی ٹی آئی سمیت دیگر ملزمان کے چالان میں بغاوت کی دفعات شامل کردی ہیں۔
ایس ایس پی انویسٹی گیشن انوش معسود کے مطابق نو مئی کے مرکزی مقدمے سمیت تمام مقدمات میں 120 بی کی دفعات لگادی گئی ہیں۔
پولیس حلام کے مطابق جائے وقوعہ پر چیئرمین پی ٹی آئی کی عدم موجودگی کے باوجود ان کے خلاف بغاوت پر اکسانے اور منصوبہ بندی کے شواہد حاصل ہوئے ہیں۔
پولیس کا کہنا ہے کہ پراسیکیوشن کی جانب ضروری دفعات نہ لگانے پر چالان پر اعتراضات عائد کئے گئے تھے جس کے بعد بغاوت کی دفعات شامل کی گئی ہیں، چالان جمع کر انے سے پہلے پراسکیوشن کے تمام اعترضات دور کردیئے گئے ہیں، ایجنسیز کی رپورٹ ملنے پر چالان جمع کرادیا جائے گا۔
