اسلام آباد ( نئی تازہ رپورٹ) سابق وزیراعظم نواز شریف کے پرنسپل سیکرٹری فواد حسن فواد کونگران وفاقی کابینہ میں شامل کرلیا گیا۔
صدرعارف علوی نے نگران وزیراعظم انوار الحق کاکڑ کی ایڈوائس پر فواد حسن فواد کی بطور وفاقی وزیرتقرری کی منظوری دی ۔
نجی ٹی وی کے مطابق فواد حسن فواد کووزارت کا قلمدان جلد سونپا جائے گا۔
فواد حسن فواد نے کہا ہےکہ مجھے ابھی تک کسی محکمے کا چارج نہیں ملا، میں کل وزیراعظم سے ملاقات کروں گا، جوبھی ذمہ داری ملےگی، ایمانداری اور محنت سے نبھانے کی کوشش کرونگا۔
انہوں نے کہا کہ میرا ماضی گواہ ہے ہمیشہ ایمانداری اور محنت سے قومی مفاد میں کام کیا ہے، آئندہ بھی ایسا ہی اور اپنی بھرپور صلاحیتوں کے مطابق کام کروں گا۔
واضح رہےکہ فواد حسن فواد، سابق وزیراعظم نواز شریف کے ساتھ بطور پرنسپل سیکرٹری کام کرتے رہے ہیں، نواز حکومت کے بعد نیب نے فواد حسن فواد کو آمدن سے زائد اثاثوں کے الزام میں گرفتار کیا تھا تاہم نیب ان کے خلاف کرپشن ثابت کرنے میں ناکام رہا تھا اور عدالت نے انہیں بری کر دیا تھا۔
