لندن( نئی تازہ رپورٹ) مسلم لیگ (ن) کے صدر اور سابق وزیراعظم شہباز شریف کینسرکے خلاف جنگ جیت گئے۔
نجی ٹی وی کے مطابق شہباز شریف نے لندن میں بتایا کہ اللہ تعالی کا کرم ہے، تمام ٹیسٹ کلیئر آگئے ہیں، لوگوں کی دعائیں رنگ لائیں،کینسر کا ٹیسٹ بھی منفی آ گیا۔
ذرائع کے مطابق شہبازشریف 20 اگست کو برطانیہ پہنچے تھے اور کئی ٹیسٹ کروائے، جس کی رپورٹ اب آئی ہے اور ڈاکٹر نے تصدیق کی کہ کینسر ٹیسٹ کی رپورٹ منفی آ گئی ہے۔ ان کے ڈاکٹر مارٹن کیپلن نےرپورٹس دیکھ کر بتایا کہ شہبازشریف کوکینسر نہیں رہا۔
واضح رہے کہ سابق وزیراعظم کو سنہ 2000 میں کینسر کی ایک نایاب اور خطرناک شکل ’اڈینو کارسینوئڈ‘ کی تشخیص ہوئی تھی۔ وہ 2003 میں نیویارک کے سلوین کیٹرنگ اسپتال میں کئی ماہ تک زیر علاج رہے۔
خاندانی ذرائع کے مطابق شہبازشریف کے لندن کے ایک اور کلینک میں کچھ ٹیسٹ ہونا ہیں جن کی رپورٹس کے بعد دو ہفتے میں اُن کی وطن واپسی کا امکان ہے۔
