اسلام اباد ( نئی تازہ رپورٹ) الیکشن کمیشن آف پاکستان ( ای سی پی) نے نئی حلقہ بندیوں کی حتمی تاریخ 30 نومبر 2023 مقررکردی ہے ،جس کا مقصد جلد الیکشن کا انعقاد ہے .اسی تاریخ کو سامنے رکھتے ہوئے عام انتخابات کے شیڈول کا اعلان کیا جائے گا۔
الیکشن کمیشن نے جمعے کو ایک بیان میں کہا ہے کہ سیاسی جماعتوں کی مشاورت و فیڈ بیک اور حلقہ بندی کے کام کو جلد از جلد مکمل کرنے کے لیے حلقہ بندی کے دورانیے کو مزید کم کر دیا ہے۔
بیان کے مطابق اب حلقہ بندیوں کی حتمی اشاعت 30 نومبر، 2023 کو ہو گی۔ حلقہ بندی کے دورانیے کو کم کرنے کا مقصد جتنا جلدی ممکن ہو سکے الیکشن کا انعقاد ہے۔ اس تاریخ کو مد نظر رکھتے ہوئے الیکشن شیڈول کا بھی اعلان کر دیا جائے گا۔
