لاہور( نئی تازہ رپورٹ) ایف آئی اے نے تحریک انصاف کے موجودہ اور سابق رہنماؤں کے خلاف ملکی سلامتی کے اداروں اور سرکاری عہدیداروں کے خلاف ہرزہ سرائی پر ایک اور مقدمہ درج کرلیا ۔
وفاقی تحقیقاتی ادارے (ایف آئی اے) سائبر کرائم سرکل نے مقدمہ درج کرکے کارروائی شروع کردی۔
ایف آئی آر حماد اظہر، مسرت جمشید چیمہ ، قاسم سوری ، عمر سرفراز چیمہ ، علی زیدی ، فواد چوہدری اور اعظم سواتی کے خلاف درج کی گئی ہے۔
ایف آئی آر کے متن میں کہا گیا ہے کہ ملزمان نے سوشل میڈیا پر قومی سلامتی کے اداروں کے خلاف جھوٹی مہم چلائی ، مذکورہ رہنماؤں کو وضاحت کے لیے طلب کیا گیا تھا مگر طلبی کے باوجود پیش نہیں ہوئے جبکہ کوئی جواب بھی جمع نہیں کرایا گیا۔
وفاقی تحقیقاتی ادارے کے ذرائع کے مطابق مقدمہ شواہد اور بیانات کی روشنی میں درج کیا گیا ہے، ملزمان کی گرفتاری کے لیے ٹیمیں بھی تشکیل دے دی گئی ہیں۔
