لاہور ( نئی تازہ رپورٹ) لاہورکے سرکاری ہسپتال سے مریضوں کے لیے منگوائی گئی 10لاکھ روپے مالیت کی انسولین چوری کر کے رکشہ میں لے جانے کا انکشاف ہوا ہے۔
میڈیا رپورٹ کے مطابق انسولین چوری کا واقعہ گورنمنٹ سید مٹھا سپتال میں پیش آیا ، ایم ایس ڈاکٹر کاشف ورک نے بھی واقعہ کی تصدیق کر دی ہے، انہوں نے بتایا کہ شوگر کے مریضوں کی انسولین کی چوری کر کے رکشے پر لے جائی جارہی تھی ۔
معلوم ہوا ہے کہ واقعے کی تحقیقات کیلئے 3 رکنی کمیٹی بنا دی ہے جو اسٹور میں انسولین کے مکمل ریکارڈ کا جائزہ لے کراور متعلقہ عملے کے بیانات قلمبند کر کے رپورٹ پیش کرے گی ۔
میڈیکل سپرنٹنڈنٹ ڈاکٹر کاشف ورک کے مطابق ملزمان کے خلاف کارروائی کیلئے پولیس کو درخواست دی گئی جس کے بعد پولیس نے انسولین لے جانے والا رکشہ قبضے میں لے لیا ہے جبکہ ڈرائیور گرفتار کرلیا ہے۔
