اسلام آباد ( نئی تازہ رپورٹ) سپریم کورٹ سے مریم نواز کو ریلیف مل گیا، شوگر ملز کیس ضمانت منسوخی کی درخواست مسترد کردی گئی
چیف جسٹس پاکستان کی سربراہی میں سپریم کورٹ کے 3 رکنی بینچ نے منگل کوپاکستان مسلم لیگ ن کی چیف آرگنائزر مریم نواز کی شوگر ملز کیس میں ضمانت منسوخی کی درخواست پر سماعت کی۔ دوران سماعت نیب کے وکیل کی طرف سے بتایا گیا کہ ضمانت منسوخی کی درخواست واپس لینا چاہتے ہیں۔
نیب نے سپریم کورٹ میں مؤقف اختیار کیا کہ نیب قانون میں تبدیلی کے بعد مریم نواز کی ضمانت منسوخی کی درخواست پر مزید کارروائی نہیں ہوسکتی۔ بعد ازاں سپریم کورٹ نے مریم نواز کی ضمانت منسوخی کی نیب درخواست واپس لیے جانے پر خارج کردی ۔
اس موقع پرنیب کی جانب سے استدعا کی گئی کہ براہ کرم آرڈر میں خارج کرنے کے بجائے نمٹا دینا لکھقا جائے، جس پر چیف جسٹس عمر عطا بندیال نے ریمارکس دیے کہ آپ کو آرڈر پسند آئے گا۔
