اسلام آباد( نئی تازہ مانیٹرنگ) پی ٹی آئی کے سابق سیکرٹری جنرل اسد عمر منظرعام پر آگئے ، گرفتاری کی اطلاعات غلط نکلیں۔
اسلام آباد میں نجی ٹی وی سے گفتگو کرتے ہوئے اسد عمر نے کہا کہ مجھے ایف آئی اے نے گرفتار نہیں کیا تھا، میری گرفتاری کی غلط خبر تھی ۔
انہوں نے بتایا کہ سائفر کے معاملے میں عدالت آیا ہوں اور اس کیس میں ضمانت قبل از گرفتاری کی درخواست دائر کی ہے، اسد عمر نے کہا کہ دو بار سائفر معاملے پر شامل تفتیش ہو چکا ہوں۔
گزشتہ دنوں ایف آئی اے نے سائفر کیس میں پی ٹی آئی کے وائس چیئرمین شاہ محمود قریشی کو اسلام آباد سے گرفتار کیا تھا اور اسی روز تحریک انصاف کے سابق سیکرٹری جنرل اسد عمر کی گرفتاری کی اطلاعات بھی سامنے آئی تھیں۔
