بیجنگ ( نئی تازہ رپورٹ) چین اورپاکستان نے ڈیجیٹل راہداری شروع کرنے پر اتفاق کر لیا۔
چین میں تعینات پاکستانی سفیر معین الحق کے مطابق ہم نے چین پاکستان ڈیجیٹل کوریڈور شروع کرنے پر اتفاق کیا ہے، حالیہ برسوں میں آئی ٹی انڈسٹری کے اندراکنامک آپریشنز پر بہت توجہ دی گئی، پاکستان کے اسٹرٹیجک انفرا اسٹرکچر، سائنس ٹیکنالوجی اور نئی ابھرتی ہوئی ٹیکنالوجیز پر بھی توجہ دی جارہی ہے۔
میڈیا رپورٹ کے مطابق پاکستان میں ایک قابل عمل ڈرون انڈسٹری کی تعمیر کے موضوع پربیجنگ میں پاکستانی سفارتخانے میں کانفرنس کا انعقاد ہوا۔
سفیرمعین الحق نے کہا لوگوں کی زندگی کو آسان بنانے کے لیے کئی صنعتوں میں ان مینڈ ایریل وہیکل (ڈرون) کا استعمال کیا جا رہا ہے۔ جیسے ڈیزاسٹر مینجمنٹ، سمارٹ سٹیز، پولیسنگ اور زراعت کے شعبہ میں ان ٹیکنالوجیزکو استعمال کیا جا رہا ہے۔ سی پیک بی آر آئی کا فلیگ شپ پراجیکٹ ہونے کے ناطے اس حوالے سے پاکستان کی مدد کر رہا ہے.
انھوں نے بتایا کہ پاکستان میں سول ڈرون ریگولیٹری اتھارٹی کا قیام بھی زیر غور ہے۔
