لاہور ( نئی تازہ رپورٹ) لاہور میں سی آئی اے پولیس سے فائرنگ کے تبادلے میں اغوا برائے تاوان کے تین ملزمان ہلاک ہو گئے۔
میڈیا رپورٹ کے مطابق لاہور کے علاقہ برکی میں سی آئی اے کینٹ اور اشتہاری ملزمان کے درمیان فائرنگ کا تبادلہ ہوا جس کے نتیجے میں اغوا برائے تاوان کے تین ملزمان ہلاک ہو گئے، ہلاک ملزمان کی شناخت عبدالرحمان ، طاہر اور فیاض کے طور پر ہوئی ہے۔
پولیس ذرائع کے مطابق برکی کے علاقہ میں سی آئی اے کینٹ کی ٹیم پر زیر حراست ملزمان کے ساتھیوں نے اندھا دھند فائرنگ کردی، فائرنگ سے ڈی ایس پی سی آئی اے کینٹ فیصل شریف بال بال بچے جبکہ پولیس موبائل کو شدید نقصان پہنچا
پولیس کے مطابق ہلاک ملزمان نے چند روز قبل ایک بڑے تاجر کو 5 کروڑ روپے تاوان کے لیے اغوا کر لیا تھا۔
