لاہور ( نئی تازہ رپورٹ) پاکستان مسلم لیگ ( ن ) کی سینئر نائب صدرمریم نواز شریف لندن سے وطن واپس پہنچ گئیں۔
لاہور کے علامہ اقبال انٹرنیشنل ائیر پورٹ پر سابق ایم پی اے مرزا جاوید اور دیگر رہنما مریم نواز شریف کا استقبال کرنے کے لیے موجود تھے، بعدازاں مسلم لیگ ن کی سینئر نائب صدر اور چیف آرگنائزر مریم نواز پرائیویٹ سکیورٹی کے حصار میں ائیر پورٹ سے اپنی رہائش گاہ جاتی امراء رائیونڈ روانہ ہوگئیں۔
یاد رہے کہ مریم نوازشریف عید الاضحیٰ سے قبل دبئی میں چند روز قیام کے بعد لندن روانہ ہوئیں تھیں، جہاں انہوں نے اپنے والد سابق وزیر اعظم نواز شریف کے ہمراہ لندن میں ہی عید منائی۔اس دوران انہوں نے والد کے ساتھ ملکی سیاسی صورتحال اور آئندہ انتخابات سمیت متعدد امور پر پر مشاورت بھی کی ۔
