کوئٹہ ( نئی تازہ رپورٹ) بلوچستان میں قانون نافذ کرنے والے ادارے کی چیک پوسٹ پردہشت گردوں کے حملے کے نتیجے میں 4 اہلکار شہید ہو گئے۔
پولیس کے مطابق دہشت گردوں نے ضلع شیرانی کے علاقے دھانہ سر میں واقع چیک پوسٹ پرراکٹوں سے حملہ کیا، حملے میں 3 پولیس اہلکار اور ایک ایف سی اہلکار شہید ہوگئے ، پولیس کی جوابی فائرنگ سے ایک حملہ آور بھی مارا گیا۔
اطلاعات کے مطابق فائرنگ کے واقعے کے بعد علاقے میں سرچ آپریشن شروع کر دیا گیا ہے۔
وزیرِ اعلیٰ بلوچستان عبدالقدوس بزنجو نے سیکیورٹی فورسز کی چیک پوسٹ پر حملے کی شدید مذمت کی ہے ، اپنے بیان میں انہوں نے کہا کہ دہشت گرد بزدلانہ کارروائیوں سے سیکیورٹی فورسز کے حوصلے پست نہیں کر سکتے۔
عبدالقدوس بزنجنے کہا کہ سیکیورٹی فورسز کی قربانیاں قوم کے لیے مشعلِ راہ ہیں ، سیکیورٹی فورسز پختہ عزم و حوصلے کے ساتھ ملک و قوم کا تحفظ یقینی بنا رہی ہیں۔
