اسلام آباد ( نئی تازہ رپورٹ) پولیس نے پی ٹی آئی سے تعلق رکھنے والے سابق وفاقی وزیر غلام سرور خان کو گرفتار کرلیا۔
اطلاعات کے مطابق پولیس نے سابق وفاقی وزیرہوابازی غلام سرور خان کو ڈیڑھ ماہ کی کوششوں کے بعد اسلام آباد سے گرفتار کیا ۔ معلوم ہوا ہے کہ گرفتاری کے وقت غلام سرور خان اسلام آباد میں اپنے دوست کے گھر سے گرفتار کیا ۔
غلام سرور خان کےساتھ ان کے بیٹے پی ٹی آئی کے سابق رکن قومی اسمبلی منصورحیات خان اور بھتیجے سابق صوبائی اسمبلی کے رکن عمار صدیق خان کو بھی گرفتار کیا گیا ہے۔
پولیس کے مطابق غلام سرورخان کے خلاف تھانہ ٹیکسلا میں انسداد دہشتگردی کی دفعات کے تحت مقدمہ درج ہے جبکہ تینوں سابق ارکان اسمبلی 9 مئی کے پرشدد واقعات میں راولپنڈی پولیس کو بھی مطلوب تھے۔
