اسلام آباد ( نئی تازہ رپورٹ) اوگرا نے ملک بھرکے گیس صارفین کے لیے قیمتوں میں 45 سے 50 فیصد تک اضافے کی منظوری دے دی۔
آئل اینڈ گیس ریگولیٹری اتھارٹی (اوگرا ) کی طرف سے دونوں کمپنیوں سوئی سدرن( ایس ایس جی سی) اور سوئی ناردرن ( ایس این جی پی ایل)کے لیے نرخ بڑھانے کی منظوری دی گئی ہے جس کے مطابق سوئی ناردرن کےلیے گیس کی قیمت میں اوسطاً 50 فیصد اور سوئی سدرن کےلیے گیس کی قیمت میں اوسطاً 45 فیصد اضافہ ہو گا۔
اوگرا نے ایس این جی پی ایل کےلیےگیس کی اوسط قیمت میں 415 روپے فی ایم ایم بی ٹی یو جبکہ ایس ایس جی سی کے لیے گیس کی اوسط قیمت میں 417 روپے 23 پیسےفی ایم ایم بی ٹی یو اضافے کی منظوری دی گئی۔
نرخ میں اضافے کے فیصلے کے تحت سوئی ناردرن کو اوسط قیمت 1238روپے 68پیسے ایم ایم بی ٹی یو اور سوئی سدرن کو گیس کی اوسط قیمت 1350روپے ایم ایم بی ٹو مقرر کرنے کی منظوری مل گئی ہے۔
گیس کی قیمتوں میں اضافے کا اطلاق یکم جولائی 2023 سے کیا جائے گا ، تاہم قیمتوں میں اضافے کا حتمی فیصلہ وفاقی حکومت کرے گی، قانون کے تحت حکومت کو قیمتوں میں اضافے سے متعلق 45 دن میں حتمی فیصلہ کرنا ہو گا۔
