ملتان ( نئی تازہ رپورٹ)پولیس نے ملتان کینٹ حملے میں ملوث پاکستان تحریک انصاف کے 5 گرفتار کارکنان کو آرمی کےحوالےکر دیا ۔
پولیس کے مطابق پانچوں ملزمان کے خلاف تفتیش کے نتیجہ میں آرمی ایکٹ کے تحت کارروائی کا فیصلہ ہوا ہے۔
فوج کے حوالے کئے جانے والوں میں پی ٹی آئی کے سٹی نائب صدر خرم لیاقت، خرم شہزاد، زاہد خان،حامد علی اور اسحاق بھٹہ شامل ہیں۔
پولیس ذرائع کے مطابق آرمی تنصیبات حملے میں ملوث مزید ملزمان کو بھی تفتیش کے بعد آرمی کے حوالے کر دیا جائےگا، بتایا گیا ہے فوجی تنصیبات پر حملے میں ملوث کارکنوں کے خلاف آرمی ایکٹ کے تحت کارروائی عمل میں لائی جائے گی۔
