اسلام اباد ( نئی تازہ رپورٹ) اسلام اباد ہائی کورٹ نے سابق چیف جسٹس ثاقب نثار کے بیٹے کی درخواست پر آڈیو لیکس تحقیقاتی کمیٹی کو کارروائی سے روک دیا۔
سابق چیف جسٹس ثاقب نثار کے بیٹے نجم ثاقب کی طرف سے اسپیکر قومی اسمبلی کی قائم کردہ آڈیو لیکس تحقیقاتی کمیٹی کے خلاف درخواست کی سماعت بدھ کو اسلام آباد ہائی کورٹ میں ہوئی۔
اسلام آباد ہائیکورٹ کے جج جسٹس بابر ستار نے درخواست پر رجسٹرار آفس کے اعتراضات دور کر دئیے۔عدالت نے اسپیشل کمیٹی کی جانب سے نجم ثاقب کو جاری طلبی نوٹس معطل کردیا۔عدالت نے وفاقی حکومت کو 19 جون کے لیے نوٹس جاری کردیا اوراستفسار کیا کہ یہ آڈیو ریکارڈ کون کرتا ہے ۔
نجم ثاقب نے اسپیکر قومی اسمبلی کی جانب سے مبینہ آڈیو لیکس کی تحقیقات کیلئے خصوصی کمیٹی کی تشکیل کو اسلام آباد ہائیکورٹ میں چیلنج کیا تھا۔
