ڈیرہ غازی خان ( نئی تازہ رپورٹ) اینٹی کرپشن عدالت نے سابق وزیراعلیٰ پنجاب عثمان بزدار کی عبوری ضمانت خارج کر دی ۔
اینٹی کرپشن عدالت کے جج نوید احمد قریشی نے پیر کوسابق وزیراعلیٰ پنجاب کے خلاف اراضی قبضہ سے متعلق درج مقدمے کی سماعت کی، سابق وزیراعلیٰ عثمان بزدار عبوری ضمانت پر ہونے کے باوجود عدالت میں پیش نہ ہوئے۔
عدالت نے عدم حاضری کے باعث عثمان بزدار کی عبوری ضمانت خارج کر دی۔
واضح رہے کہ سابق وزیراعلیٰ عثمان بزدار کے خلاف سرکاری اراضی پر قبضہ کرانے کے الزام میں مقدمہ درج کیا گیا تھا ، جس پر انہوں نے عدالت سے عبوری ضمانت کرائی تھی، اس کیس میں سابق وزیر اعلیٰ کا مشیر پہلے سے گرفتار ہے۔
