ژوب ( نئی تازہ رپورٹ) امیر جماعت اسلامی سراج الحق کے قافلے کے قریب دھماکے میں متعدد افراد زخمی ہوگئے جبکہ خود کش حملہ آور ہلاک ہو گیا۔
جماعت اسلامی کے سیکرٹری جنرل امیر العظیم کے مطابق سراج الحق پر بلوچستان میں ژوب کے علاقہ میں خودکش حملہ ہوا ہے، جس میں حملہ آور مارا گیا۔ سراج الحق اور دیگررہنما محفوظ رہے۔
دوسری جانب پولیس نے تصدیق کی ہے کہ ژوب میں سراج الحق کے قافلے کے قریب دھماکا ہوا ہے اور دھماکے میں امیر جماعت اسلامی سراج الحق محفوظ رہے۔
پولیس کے مطابق ژوب میں آج جماعت اسلامی کا جلسہ تھا اور امیر جماعت اسلامی سراج الحق نے جلسے سے خطاب کرنا تھا۔ حملہ آور کی خود کش جیکٹ مکمل نہیں پھٹ سکی اور جزوی طور پر جیکٹ پھٹنے سے کم نقصان ہوا، انتظامیہ کے مطابق پانچ زخمیوں کو ہسپتال پہنچایا گیا ہے۔ جبکہ کچھ گاڑیوں کو بھی نقصان پہنچا
