پشاور( نئی تازہ رپورٹ) خیبر پختونخوا میں پی ٹی آئی رہنما سے رابطوں اور گرفتاری سے بچانے پر ایس ایچ او کو گرفتار کر لیا گیا۔
مقدمے کے متن کے مطابق ایس ایچ او گلبرگ پشاور فواد علی تحریک انصاف کے سابق ایم پی اے ملک واجد کے ساتھ رابطے میں ملوث پائے گئے۔
بتایا گیا ہے کہ ملک واجد کا کارکنان کو لوٹ مار اور جلاؤ گھیراؤ کے لیے اکسانے میں اہم کردار تھا، ایس ایچ اوفواد ورکرز کو اکسانے والے سابق ایم پی اے کو گرفتاری سے بچانے کے لیے فونز بند کرنے کا مشورہ دیتے رہے۔
ایف آئی آر کے مطابق ایس ایچ او فواد علی نے سابق ایم پی اے ملک واجد کو دیگر معلومات بھی فراہم کیں، ایس ایچ اوفواد کے خلاف سب انسپکٹر حسن علی کی مدعیت میں تھانہ گلبرگ میں مقدمہ درج کیا گیا۔
