راولپنڈی( نئی تازہ رپورٹ) پاک فوج کے ہیڈ کوارٹرز (جی ایچ کیو) راولپنڈی پر حملہ کرنے والوں کی تصاویر جاری کردی گئی ہیں جبکہ ملزمان کی گرفتاریوں کا عمل تیز کر دیاگیا ہے۔
9 مئی کوچیئرمین تحریک انصاف عمران خان کی گرفتاری کے بعد متعدد افراد نے جنرل ہیڈکوارٹرز (جی ایچ کیو) راولپنڈی کے گیٹ پر حملہ کر کے توڑ پھوڑ کی تھی۔
ذرائع کے مطابق 4 خواتین سمیت14 افراد کو شناخت کرلیا گیا ہے، جن میں سے 9 افراد کا تعلق راولپنڈی اور 3 کا تعلق اسلام آباد ہے، ایک شناخت شدہ ملزم کراچی اور ایک چکوال کا رہائشی ہے۔
شناخت شدہ افراد کی تصاویربھی جاری کی گئی ہیں۔جبکہ دیگر کی شناخت کے لئے نادرا سمیت مختلف ذرائع سے مدد لی جارہی ہے۔حملہ آوروں کی تعداد 300 کے قریب بتائی گئی ہے۔
