اسلام آباد ( نئی تازہ رپورٹ) پولیس لائنزاسلام آباد کے گیسٹ ہاؤس میں چیئرمین پاکستان تحریک انصاف عمران خان سے صدر مملکت عارف علوی نے طویل ملاقات کی۔
اطلاعات کے مطابق کے مطابق صدر عارف علوی اورسپریم کورٹ کے حکم پرگیسٹ ہائوس میں موجود عمران خان کے درمیان جمعرات اور جمعہ کی درمیانی شب ملاقات تقریباً ڈھائی گھنٹے تک جاری رہی، وزیر اعلیٰ گلگت بلتستان خالد خورشید بھی ملاقات میں موجود تھے۔
اس موقع پر ملک کی سیاسی صورتحال، آئندہ کی حکمت عملی اور مذاکرات سے متعلق امور پر غور کیا گیا۔
ملاقات کے دوران القادر ٹرسٹ کیس سے متعلق بھی مشاورت کی گئی ، عمران خان کو 3 روز کے دوران پیش آنے والے واقعات اور پارٹی رہنماؤں کی گرفتاری سے متعلق بتایا گیا۔
سپریم کورٹ نے عمران خان کی ر ہائی کا حکم جاری کرتے ہوئے انہیں پولیس لائنز کے گیسٹ ہاؤس میں رکھنے کا حکم دیا تھا۔
