کراچی ( نئی تازہ رپورٹ) پاکستان نے مسلسل تیسرے ون ڈے میچ میں نیوزی لینڈ کو 26 رنز سے شکست دے کر سیریز اپنے نام کر لی۔
نیشنل اسٹیڈیم کراچی میں کھیلے گئے پاک نیوزی لینڈ ایک روزہ کرکٹ سیریز کے تیسرے میچ میں پاکستان نے نیوزی لینڈ کی دعوت پر پہلے بیٹنگ کرتے ہوئے 50 اوورز میں 6 وکٹوں کے نقصان پر 287 رنز بنائے۔
پاکستان کی جانب سے امام الحق نے 107 گیندوں پر90 رنز بنا ئے۔ کپتان بابر اعظم 54، محمد رضوان 32، آغا سلمان 31، عبداللہ شفیق 19 اور فخر زمان 19 رنز بنا کر آؤٹ ہوئے۔
محمد نواز11 اور شاداب خان 21رنز بنا کر ناٹ آؤٹ رہے۔
نیوزی لینڈ کی جانب سے میٹ ہینری نے تین کھلاڑیوں کو آئوٹ کیا، ایڈم ملن نے 2 اور کول میک کونکی نے 1 وکٹ حاصل کی۔
نیوزی لینڈ کی ٹیم 288 رنز کے ہدف کے لئے کھیلتے ہوئے 50 ویں اوور میں 261 رنز بنا کر آؤٹ ہوگئی۔
کیویزکی جانب سے ٹام بلنڈل 65 رنز بنا کر آؤٹ ہوئے۔ کول میک کونکی نے انٹرنیشنل کرکٹ میں اپنے پہلے میچ میں 64 رنز بنا ئے اور ناقبلِ شکست پویلین لوٹے۔ کپتان ٹام لیتھم 45، ول ینگ 33، ڈیرل مچل 21 اور مارک چیپ مین 13 رنز بنا کر آؤٹ ہوئے۔
پاکستان کی جانب سے شاہین شاہ آفریدی، نسیم شاہ اور محمد وسیم نے دو ، دو کھلاڑیوں کو آئوٹ کیا جبکہ آغا سلمان نے ایک وکٹ حاصل کی۔
پانچ میچوں کی سیریز کے مسلسل تیسرے میچ میں کامیابی سے پاکستان کو تین صفر کی فیصلہ کن برتری حاصل ہو گئی ہے۔
