لاہور ( نئی تازہ رپورٹ) وزیراعظم شہباز شریف ایک ہفتے کے غیر ملکی دورے پر برطانیہ روانہ ہوگئے۔
ذرائع کے مطابق وزیراعظم شہباز شریف خصوصی طیارے میں اپنے وفد کے ہمراہ دورے پر روانہ ہوئے ہیں۔
شہباز شریف لاہور سے براہ راست لندن پہنچیں گے جہاں وہ ہفتے کو برطانوی حکومت کی دعوت پر برطانیہ کے بادشاہ چارلس کی تاج پوشی کی شاہی تقریب میں شرکت کریں گے۔
شہباز شریف لندن میں اپنے بھائی اور پارٹی قائد نواز شریف سے ملاقات بھی کریں گے۔
نجی ٹی وی کے مطابق وطن واپسی سے قبل وزیراعظم کے ترکیہ اور سعودی عرب بھی جانے کا امکان ہے۔
روانگی سے قبل وزیراعظم نے گزشتہ روز کابینہ میں شامل ساتھیوں سے اہم مشاورت کی تھی۔
