واشنگٹن( نئی تازہ رپورٹ) امریکی حکومت نے بیرون ملک سے آنے والوں کے لیے کورونا ویکسین کی شرط ختم کرنےکا اعلان کردیا۔
وائٹ ہاؤس کے بیان کے مطابق 11مئی سے فیڈرل ملازمین، کنٹریکٹرز اور بین الاقوامی مسافروں کے لیےکورونا ویکسین لازمی نہیں رہےگی۔
وائٹ ہاؤس کے بیان کے مطابق جنوری 2021 سے کورونا کے باعث اموات میں 95 فیصد کمی دیکھی گئی ہےجبکہ جنوری2021 سےکورونا کی وجہ سے ہسپتال میں داخلےکی شرح میں91 فیصد کمی ہوئی ہے۔
بیان میں کہا گیا ہے کہ 11مئی سے ہی پورے امریکا میں عائدکورونا ہیلتھ ایمرجنسی بھی اٹھالی جائے گی۔
