اسلام آباد ( نئی تازہ رپورٹ) وزیر اعظم شہباز شریف نے پاور ڈویژن کو موسم گرما کے دوران عوام کو بجلی کی فراہمی بہتر بنانے کے لیے فوری اور موثر اقدامات کی ہدایت کی ہے۔ پی ایم آفس سے جاری بیان کے مطابق وزیر اعظم نے وفاقی وزیر برائے پاور ڈویژن انجینئر خرم دستگیر سے ملاقات کے دوران یہ ہدایت جاری کی۔
ملاقات کے دوران وفاقی وزیر خرم دستگیر خان نے وزیر اعظم کو توانائی کے شعبے میں جاری ترقیاتی منصوبوں بارے بریفنگ دی۔و زیراعظم نے ہدایت کی کہ بجلی کی ترسیل میں نمایاں بہتری کے لیے موثر اقدامات کیے جائیں۔ انہوں نے صارفین کو ہر ممکن ریلیف فراہم کرنے کے لیے بجلی کی نئی ٹرانسمیشن لائنز کا کام جلد مکمل کرنے کی بھی ہدایت کی۔
